За апошнія суткі на тэрыторыі Гродзенскай вобласці адбыліся тры пажары, канстатуе МНС.
У 12.09 гадзін 19 лютага выратавальнікам паступіла паведамленне пра пажар гаспадарчай пабудовы на прыватным падворку ў вёсцы Жукевічы Гродзенскага раёна. У выніку пажару агнём знішчаны дах і маёмасць у будынку.
Гэтым жа днём гарэў прыватны дом на вуліцы Борзабагатава ў Навагрудку. Ад агню пацярпелі сцяна і дах прыбудовы.
Ноччу 20 лютага ў вёсцы Крулёўшчына Гродзенскага раёна гарэла прыватная лазня. Агнём пашкоджаны дах і маёмасць у лазні.
Прычыны пажараў высвятляюцца.