На месцы ДТЗ
Каля 8 гадзін раніцы 22 лютага адбыўся наезд на жанчыну-пешахода на вуліцы Болдзіна ў Гродне, паведамляе ДАІ.
61-гадовы кіроўца “Рэно” рухаўся на вуліцы Болдзіна і спыніўся перад кальцавой на чырвоны сігнал светлафора. Пасля ўключэння зялёнага, ён пачаў рух і наехаў на пенсіянерку за некалькі метраў ад перахода.
Пасля аварыі жанчыну даставілі ў шпіталь. Абставіны наезду высвятляюцца.
ДАІ заклікае кіроўцаў захоўваць максімальную ўвагу ў месцах перасячэння пешаходных і транспартных плыняў.
Фота ДАІ