Раніцай 16 сакавіка выратавальнікам паступіла паведамленне пра пажар нежылога дома ў вёсцы Клімавічы Зэльвенскага раёна, паведамляе МНС.
Агнём знішчаны дах, перакрыцці, пашкоджаны сцены будынка.
Вечарам 16 сакавіка цалкам згарэла прыватная гаспадарчая пабудова ў вёсцы Кісялёва Ашмянскага раёна.
Ноччу 17 сакавіка ў вёсцы Камаровічы Карэліцкага раёна гарэў дачны дом і гаспадарчая пабудова. Знішчаны дах, пашкоджаны сцены і маёмасць у доме, а таксама знішчаны дах і маёмасць у гаспадарчай пабудове побач з домам.
Гэтай жа ноччу гарэла гаспадарчая пабудова ў аграгарадку Індура Гродзенскага раёна. Агнём пашкоджаны будынак і маёмасць у ім.
Прычыны пажараў высвятляюцца.