Пашкодзілі замок запальвання машыны
21-гадовыя жыхары Жодзіна 24 красавіка ўгналі ў Дзятлаве легкавік «ВАЗ 2107», паведамляе УУС Гродзенскага аблвыканкама.
Госці з Жодзіна заўважылі на вуліцы Дзяржынскага ў Дзятлаве прыпаркаваны легкавік, які ўладальнік не замкнуў.
Маладыя людзі селі ў салон, пашкодзілі замок запальвання машыны і здолелі яе завесці.
Паездзіўшы па горадзе, угоншчыкі паставілі машыну на тое самае месца ў тэхнічна няспраўным стане.
Раніцай уладальнік “сямёркі” заўважыў, што на яго машыне хтосьці ездзіў і паведаміў у міліцыю.
Падчас аператыўна-вышуковых мерапрыемстваў западозраных ва ўгоне вызначылі.
Іх дзеянні кваліфікаваны па частцы 2 артыкула 214 Крымінальнага кодэкса Рэспублікі Беларусь — “Угон транспартнага сродку ці маламернага воднага судна”, адзначаецца ў паведамленні.
Фота УУС