Ілюстрацыйнае фота
За апошнія суткі на Гродзеншчыне гарэлі кватэра ў Лідзе, гаспадарчыя пабудовы ў Слоніме і ў Навагрудскім раёне, і прыватная лазня ў Навагрудскім раёне, паведамляе МНС.
Днём 2 жніўня на вуліцы Чарнышэўскага ў Лідзе гарэла кватэра ў двухкватэрным жылым доме. Агнём пашкоджана маёмасць, закурадымлены сцены і столь у кватэры.
Вечарам 2 жніўня ў вёсцы Аўдзеевічы Навагрудскага раёна гарэла гаспадарчая пабудова. У выніку пашкоджаны дах і перакрыцці.
Позна вечарам у гэты ж дзень на Баранавіцкай вуліцы ў Слоніме гарэла гаспадарчая пабудова. Там агнём пашкоджаны дах і сцены.
Раніцай 3 жніўня выратавальнікам паступіла паведамленне пра пажар прыватнай лазні ў вёсцы Задвор’е Навагрудскага раёна. Агнём знішчаны дах і маёмасць у лазні, пашкоджаны сцены. Пад абломкамі будаўнічых канструкцый знойдзены загінулы мужчына.
Прычыны пажараў высвятляюцца.