Сцэна са спектакля "Белы ліст"
Артысты Слонімскага драмтэатра выступяць з гастролямі на сцэне Рэспубліканскага тэатра беларускай драматургіі ў Мінску.
16 верасня слонімскія артысты пакажуць гледачам Рэспубліканскага тэатра беларускай драматургіі спектакль «Белы ліст», паведамляецца на bycard.by.
У раённым гарадку застаўся апошні франтавік. І каб неяк аддзячыць яму, мясцовыя ўлады даюць апошняму франтавіку чысты ліст паперы: прасі, паважаны, усё, што хочаш. Дадзім. Ты – заслужыў… І што ж папрасіў франтавік?..
Пра гэта даведаюцца сталічныя гледачы, калі паглядзяць спектакль у пастаноўцы галоўнага рэжысёра Слонімскага драмтэатра Васіля Сяўца.
Каштуе квіток на спектакль 16 рублёў.