Крадзеная салома
Супрацоўнікі Карэліцкага РАУС выявілі факт крадзяжу саломы 54-гадовым вяскоўцам, паведамляе УУС Гродзенскага аблвыканкама.
17 рулонаў саломы знайшлі ахоўнікі правапарадку ў двары мясцовага жыхара падчас правядзення аператыўна-вышуковых мерапрыемстваў. Агульная маса саломы склала 6 тон, а яе кошт — каля 250 рублёў.
За дробны крадзеж на вяскоўца склалі адміністратыўны пратакол, адзначаецца ў паведамленні.
Фота УУС