Пра гэта паведамляе рэсурс абласной ДАІ.
Так 12 кастрычніка ў 01.15 ночы інспектары спынілі легкавік “Фольксваген” у Гродне і выявілі ў 32-гадовага кіроўцы відавочныя прыкметы ап’янення.
Медыцынскае даследаванне паказала 2,3 праміле алкаголю ў яго арганізме.
У пратаколе допыту мужчына распавёў, што каля 00.30 ў начным клубе непадалёк ён выпіў 200 грамаў гарэлкі і потым сеў за руль сваёй машыны.
Цяпер яму пагражае штраф у памеры 200 базавых адзінак і пазбаўленне правоў кіравання на 5 гадоў.
Затрыманы працуе кіроўцам-міжнароднікам і знаходзіўся ў адпачынку паміж рэйсамі, адзначаецца ў паведамленні.