Пацяпела раварыстка ў Мастах
Так 9 лістапада ў 07.54 у Мастах кіроўца легкавіка «Hyundai» на скрыжаванні вуліц Будаўнікоў і Клары Цэткін пры павароце направа не ўступіла дарогу 60-гадовай раварыстцы, якая перасякала праезджую частку па пешаходным пераходзе.
У выніку ДТЗ раварыстку шпіталізавалі ў бальніцу.
Другі наезд здарыўся вечарам гэтага ж дня ў Воранаўскім раёне. Там пацярпела жанчына-пешаход.
Папярэдне ўстанавілі, што каля 18.36 у г.п. Радунь 29-гадовая мясцовая жыхарка рухалася на легкавіку «Volvo» па Савецкай вуліцы ў накірунку вуліцы Камсамольскай і наехала на 73-гадовую жанчыну, якая ў той час была на праезджай частцы без светаадбівальных элементаў.
На месцы ДТЗ у Радуні
Па словах кіроўцы, пешаход з’явілася на праезджай частцы знянацку і, убачыўшы яе, аўтамабілістка рэзка затармазіла, аднак пазбегнуць наезду не атрымалася.
Пасля наезду на пешахода
У выніку аварыі пацярпелая пенсіянерка з адкрытай чэрапна-мазгавой траўмай шпіталізавана ў рэанімацыйнае аддзяленне бальніцы.
Ці магла кіроўца ў такой сітуацыі пазбегнуць наезду, будзе высветлена падчас праверкі, адзначаецца ў паведамленні.
Фота ДАІ