На могілках аграгарадка Вострава ў нядзелю 23 красавіка
23 красавіка на могілках у аграгарадку Вострава прайшла традыцыйная (першая пасля Вялікдзеня) Памінальная нядзеля. Пабываў там і аўтар гэтага верша.
Сонца абярнулася —
Радуніца зноў.
Могілкі прачнуліся
Памянуць дзядоў.
Урачыста, з кветкамі
Люд сюды ідзе,
Дарослыя з дзеткамі
Ў дружнай грамадзе,
У каго тут блізкія,
Родныя ляжаць —
Пакланіцца нізка ім,
Успомніць, памаўчаць…
Радуніца — радуйся,
Пакуль тут, жывы!
А дзяды спрыяюць нам
Хай ва ўсе гады.
Асвячэнне магіл
Востраўскія могілкі
Каля родных магіл
Кветкі на магіле
23.04.2023