Бабёр
У Белавежскай пушчы падлічылі баброў, паведамляе рэсурс запаведніка.
Лічылі баброў паводле сучасных тэхналогіяў. Іх разліковая колькасць на паселішчы вызначалася па наяўнасці свежых пагрызаў расліннасці, вылазак і сцежак да месцаў нарыхтоўкі корму, па слядах рамонту хатак і плацін.
На тэрыторыі ўчастка №1 налічылі 68 паселішчаў, 283 баброў. На тэрыторыі ўчастка №2 ЛПГ “Выганаўскае” налічылі 67 паселішчаў і 210 асобін гэтага звярка, адзначаецца ў паведамленні.
Такім чынам, усяго ў Белавежскай пушчы жывуць 493 бабры.
Фота ДПУ “НП “Белавежская пушча”