На месцы ДТЗ у Лідзе
Днём 3 траўня на вуліцы Міцкевіча ў Лідзе адбылося дарожна-транспартнае здарэнне, у якім пацярпеў матацыкліст, паведамляе абласная ДАІ.
Матацыкл пасля аварыі
Каля 15 гадзін кіроўца легкавіка «Hyundai» рухаўся па Міцкевіча ў бок вуліцы Качана і пры павароце налева не прадставіў перавагу ў руху сустрэчнаму матацыклу «Suzuki».
У выніку сутыкнення матацыкліст, мясцовы 29-гадовы жыхар, з траўмамі патрапіў у бальніцу.
Па факце гэтага ДТЗ прызначана праверка.
Фота ДАІ