Ілюстрацыйнае фота
За апошнія суткі ў Гродзенскай вобласці здарыліся чатыры пажары, паведамляе МНС
Днём 21 траўня паступіла паведамленне пра шпіталізацыю мужчыны 1976 года нараджэння з апёкамі 1, 2, 3 ступені ног (20% цела), атрыманымі ў выніку ўзгарання на ім адзення на прыватным падворку ў вёсцы Ліпічно Шчучынскага раёна.
У гэты ж дзень гарэла прыватная лазня ў вёсцы Прылукі Карэліцкага раёна на тэрыторыі домаўладання, якое выкарыстоўваецца як дача. У выніку пажару агнём пашкоджана аздоба сцен і столі ў лазіні.
21 траўня таксама гарэла прыватная гаспадарчая пабудова ў вёсцы Каўшары Іўеўскага раёна. Агнём знішчаны дах і перакрыцці, пашкоджаны сцены і маёмасць у будынку.
Ноччу 22 траўня ў вёсцы Масяўцы Шчучынскага раёна гарэў нежылы дом. Там агнём знішчаны перакрыцці і дах ды пашклджаны сцены.
Прычыны пажараў высвятляюцца.