Пажар у Гродзенскім раёне
За апошнія суткі ў Гродзенскай вобласці здарыўся адзін пажар, паведамляе МНС
Тушаць гаспадарчую пабудову
1 жніўня ў 00.18 гродзенскім выратавальнікам паступіла паведамленне пра пажар прыватнай гаспадарчай пабудовы ў вёсцы Палаткова Гродзенскага раёна.
Калі байцы МНС прыбылі на месца, драўляны будынак быў цалкам ахоплены агнём, дах абваліўся. Выратавальнікі аператыўна ліквідавалі пажар, не даўшы агню перакінуцца на іншыя будынкі.
Па адной з версій, да ўзгарання магло прывесці чыёсьці неасцярожнае абыходжанне з агнём, адзначаецца ў паведамленні.
Фота МНС