У 9 гадзін раніцы ў сераду экіпаж ДПС ДАІ “Дэльта” на Кляновай вуліцы ў вёсцы Каменка Гродзенскага раёна спыніў трактар МТЗ, паведамляе абласная ДАІ
Падчас праверкі высветлілася, што 58-гадовы мясцовы трактарыст мае яўныя прыкметы алкагольная ап’янення. Медыцынская экспертыза паказала 1 прамілю алкаголю ў арганізме мужчыны.
У пратаколе апытання механізатар патлумачыў, што напярэдадні вечарам выпіў паўлітроўку гарэлкі, а раніцай прыйшоў на працу і паехаў запраўляць трактар у вёску Капцёўка.
Трактарыста ад кіравання адхілілі. Яму пагражае штраф у 7400 рублёў і пазбаўленне правоў кіроўцы на 5 гадоў. Акрамя таго, адказнасць пагражае і службовай асобе, якая дапусціла нецвярозага трактарыста да ўдзелу ў руху, адзначаецца ў паведамленні.