Аварыя ў Астравецкім раёне
Каля 12 гадзін дня 25 снежня здарылася аварыя на аўтадарозе Астравец – вёска Дравенікі – станцыя Гудагай у Астравецкім раёне, паведамляе абласная ДАІ
21-гадовы кіроўца легкавіка «Фольксваген» каля вёскі Гудагай не справіўся з кіраваннем, выехаў на сустрэчную паласу руху, дзе сутыкнуўся з легкавіком «Сітраен» пад кіраваннем 30-гадовага мужчыны.
У выніку сутыкнення 14-гадовы пасажыр «Фольксвагена» і 28-гадовая пасажырка «Сітраена» атрымалі цялесныя пашкоджанні і былі дастаўлены ў бальніцу.
ДАІ заклікае кіроўцаў выбіраць бяспечную хуткасць пры руху за горадам і пазбягаць рэзкіх манеўраў на зімовых дарогах.
Фота ДАІ