6 студзеня каталікі святкуюць вялікую ўрачыстасць - Аб’яўленне Пана. На Беларусі гэтае свята яшчэ вядомае пад назвай Тры Каралі.
Так свята называюць ў гонар трох мудрацоў – Каспара, Мельхіёра і Бальтазара, якіх у касцёльнай традыцыі называюць каралямі.
Менавіта яны прыйшлі пакланіцца немаўляці Езусу і прынеслі яму свае дары.
Паводле старажытнай традыцыі ў гэты дзень над уваходам у дом крэйдай пішуць пачатковыя літары імёнаў трох мудрацоў — К+M+Б і пазначаюць год.