Пасля смяротнага ДТЗ у Гродне
Пра гэтае ДТЗ паведамляе абласная ДАІ
На месцы аварыі 20 красавіка
20 красавіка каля 18.00 на вуліцы Ласосна ў Гродне 30-гадовы кіроўца мапеда «Вента» не справіўся з кіраваннем, з’ехаў на збочыну, дзе дапусціў падзенне на дарогу.
У выніку ДТЗ мужчына загінуў на месцы, а 31-гадовую пасажырку з траўмай галавы і іншымі пашкоджаннямі даставілі ў бальніцу. Жанчына была без моташлема.
Па факце гэтага ДТЗ узбуджана крымінальная справа. Фізічны стан удзельнікаў аварыі і іншыя абставіны здарэння высвятляюцца, адзначаецца ў паведамленні.
ДАІ заклікае кіроўцаў двухкалёснай тэхнікі быць больш уважлівымі на дарогах і не забываць пра выкарыстанне моташлема.
Фота ДАІ