На месцы сутыкнення машын у Іўеўскім раёне 10 верасня
10 верасня каля 17.00 у Іўеўскім раёне здарылася аварыя, у якой пацярпелі тры чалавекі, паведамляе абласная ДАІ
Мікрааўтобус пасля сутыкнення
Устанавілі, што кіроўца легкавіка “Рэно” ехаў па аўтадарозе М-6 Мінск – Гродна з боку Мінска па сустрэчнай паласе. Мікрааўтобус “Форд” ехаў у бок Гродна і паварочваў на вёску Марына, калі ў яго левы бок стукнуў “Рэно”.
Двое кіроўцаў і тры пасажыры пасля ДТЗ былі дастаўлены ў бальніцу для абследавання. Сур’ёзныя траўмы атрымалі двое кіроўцаў і 15-гадовы падлетак.
Па факце гэтай аварыі прызначана праверка.
Фота ДАІ