"Паравозік" у Гродне
4 лютага каля 17.40 на праспекце Янкі Купалы ў Гродне ўтварыўся “паравозік” з трох аўтамашын, канстатуе ДАІ.
Сутыкнуліся тры легкавіка
Па папярэдняй інфармацыі, легкавікі “Фольксваген” і “Пежо” спыніліся на чырвоны сігнал светлафора, а 34-гадовая кіроўца “Рэно” на небяспечнай хуткасці і пры малой дыстанцыі ўехала ў “Пежо”, які па інерцыі сутыкнуўся з “Фольксвагенам”.
Каб пазбегнуць узгарання, на месца ДТЗ выклікалі супрацоўнікаў МНС.
Медыкі на месцы агледзелі 7-гадовую пасажырку “Рэно”, якая ехала ў аўтакрэсле. Дзяўчынка сур’ёзных траўмаў не атрымала.
Больш яскравы малюнак гэтай аварыі павінна выявіць праверка, адзначае рэсурс абласной ДАІ.
Фота ДАІ