Дзень роднай мовы
Дзяржаўтаінспекцыя прыняла ўдзел у тэлевізійным праекце, прымеркаваным да Дня роднай мовы, канстатуе рэсурс ДАІ УУС Гродзенскага аблвыанама.
У відэароліку ТРК Гродна знакаміты верш Уладзіміра Караткевіча “Дзе мой край” па-беларуску і ў перакладзе на рускую мову чытаюць настаўніца, кіроўца грузавіка, выратавальнік, доктар, работнік лясгаса, дзіця, інспектар ДАІ, пенсіянерка і вядучая тэлеканала.
Нагадаем, што заўтра, 21 лютага, адзначаецца Міжнародны дзень роднай мовы. Гэтае свята заснавана рашэннем генеральнай сесіі ЮНЕСКА ў 1999 годзе. Галоўная яго мэта – захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага чалавека карыстацца роднай мовай.