Раніцай 15 сакавіка гарэў жылы дом на вуліцы Радзішчава ў Лідзе. Падчас пажару ў агні загінуў гаспадар, пашкоджаны дах, перакрыцці, сцены і маёмасць у доме.
Вечарам 15 сакавіка з вёскі Васілевічы Гродзенскага раёна была шпіталізавана жанчына 1941 года нараджэння з апёкамі 1, 2 і 3 ступені. На ёй загарэлася адзенне на падворку дома. Падраздзяленні МНС не прыцягваліся. Прычына ўзгарання высвятляецца.
Днём 15 сакавіка гарэў жылы дом у вёсцы Галаўнічы Гродзенскага раёна. У выніку пажару знішчаны халадзільнік і закопчаны сцены на кухні.
У гэты ж дзень цалкам згарэла прыватная гаспадарчая пабудова ў вёсцы Даўкшаны Воранаўскага раёна і пацярпела ад агню гаспадарчая пабудова ў вёсцы Мастаўляны Лідскага раёна.
Таксама 15 сакавіка ў вёсцы Стральцы-1 Гродзенскага раёна згарэў легкавік “Фольксавген-Гольф” на прыватным падворку.
Ноччу 16 сакавіка на тэрыторыі садовага кааператыва “Міліяратар” у вёсцы Каробчыцы Гродзенскага раёна гарэла лазня. Агнём пашкоджаны дах будынка і маёмасць у ім.
Прычыны пажараў высвятляюцца.