На месцы аварыі
Ноччу 24 сакавіка ў ДАІ паступіла паведамленне пра наезд на пешахода на вуліцы Болдзіна ў Гродне, паведамляе рэсурс ДАІ.
«Сітраен» на месцы наезду
Высветлілася, што 58-гадовы кіроўца “Сітраена” рухаўся з боку БЛК у бок Вясновай вуліцы, праявіў няўважлівасць, не скінуў хуткасць да спынення аўто і ў выніку здзейсніў наезд на 28-гадовага пешахода.
Малады чалавек пераходзіў праезджую частку па пешаходным пераходзе злева направа па ходу руху машыны.
Пасля наезду пешахода шпіталізавалі з пераломам левага бядра.
Па факце ДТЗ прызначана праверка.
Фота ДАІ