П'яны затрыманы
Каля 10 гадзін раніцы ў панядзелак на аўтадарозе “Гродна – Ружаны – Івацэвічы” ў Гродзенскім раёне супрацоўнікі ДАІ спынілі для праверкі дакументаў і фізічнага стану кіроўцу “Сеата”, канстатуе рэсурс абласной ДАІ.
Падчас размовы з 67-гадовым жыхаром Гродна інспектары заўважылі ў яго прыкметы алкагольнага ап’янення.
Медыцынскае асведчанне паказала 0,6 праміле алкаголю.
У пратаколе мужчына патлумачыў, што напярэдадні вечарам выпіў 250 грамаў гарэлкі і больш спіртных напояў не ўжываў.
Цяпер яму пагражае штраф у 3200 рублёў і пазбаўлення правоў кіравання транспартнымі сродкамі на тры гады з наступнай здачай экзамена ў ДАІ.
Фота ДАІ