На месцы ДТЗ
Каля 7 гадзін вечара 14 красавіка адбылася аварыя на скрыжаванні вуліц Замкавай і 1 Мая ў Навагрудку, у якой пацярпеў матацыкліст, паведамляе ДАІ.
Аварыя
Устанавілі, што 35-гадовая жанчына-кіроўца “Рэно” пры выездзе на галоўную дарогу не ўступіла перавагу ў руху матацыклісту на “Кавасакі”.
Пасля ДТЗ
У выніку 44-гадовы мясцовы жыхар не справіўся з кіраваннем матацыкла і ўпаў на праезджую частку дарогі.
З траўмамі матацыкліст шпіталізаваны ў мясцовую бальніцу.
Работнікі ДАІ заклікаюць кіроўцаў аўтатранспарту і матацыклістаў быць уважлівымі на дарозе.
Фота ДАІ