У Гродзенскім раёне ўчастковы затрымаў вяскоўцаў на месцы крадзяжу

У Гродзенскі РАУС паступіла тэлефоннае паведамленне пра падазроных грамадзян у закінутым збудаванні. Пасля гэтага на месца прыбыў участковы міліцыянер і з засады пачаў назіраць, што там адбываецца, убачыўшы адарваныя ад аконнай рамы дошкі і пачуўшы шоргат у хляве.

Хутка туды пад’ехалі дзве машыны, з якіх выйшлі 4 чалавекі. Яны выносілі з будынка чугунныя батарэі і грузілі іх у машыны. У гэты момант участковы іх і затрымаў.

Затрыманыя аказаліся мясцовымі жыхарамі, якія ведалі, што аб’ект закінуты, і вырашылі гэтым скарыстацца.

Агульная вага ўкрадзенага склала больш за 400 кг на суму каля 180 рублёў.

Маёмасць вярнулі ўладальніку, а на мужчын склалі адміністратыўныя пратаколы па арт. 11.1 КоАП Рэспублікі Беларусь, адзначаецца ў паведамленні.

Фота УУС