Не раз'ехаліся
Днём 14 ліпеня на чыгунцы ў вёсцы Гаркаўшчына Свіслацкага раёна 59-гадовы кіроўца “Камаза” з паўпрычэпам на шматкалейкавым чыгуначным пераездзе, не абсталяваным гукавой сігналізацыяй, сутыкнуўся з лакаматывам, які кіраваў у бок Польшчы, паведамляе рэсурс абласной ДАІ.
Пасля сутыкнення
Падчас разбіральніцтва высвятлілася, што кіроўца “Камаза” пры пад’ездзе да пераезда спыніўся на стоп-лініі. Яму насустрач ахалі “Жыгулі” і таксама спыніліся каля сваёй стоп-лініі. Кіроўца “Камаза” вырашыў, што “Жыгулі” яго прапускаюць, паглядзеў па баках і пачаў рух.
Прычэп КАМАЗа
Калі кабіна грузавіка была на рэйках, мужчына ўбачыў за 40 метраў лакаматыў, які падаваў гукавы сігнал. Цягач ірвануў наперад і паспеў пакінуць чыгуначны шлях, а вось паўпрычэп не — лакаматыў пацягнуў яго разам з цягачом па шляхах.
Пацярпелых у гэтым здарэнні няма. Праводзіцца праверка, адзначаецца ў паведамленні.
Фота ДАІ