Фота: Слонімскі цэнтр культуры, народнай творчасці і рамёстваў
Удзельнікі народнага аматарскага аб’яднання “Чараўніцы-каравайніцы” Навасёлкаўскага цэнтра культуры і майстры аддзела рамёстваў і традыцыйнай культуры 6 жніўня прынялі ўдзел у V абласным фестывалі традыцыйнай культуры “Скарбы Гродзеншчыны” ў Смаргоні.
Фота: Слонімскі цэнтр культуры, народнай творчасці і рамёстваў
Гасцей фестывалю забаўлялі конкурснымі выступленнямі фальклорныя калектывы і выканаўцы вобласці, працавала выстаўка-кірмаш вырабаў майстроў народнай творчасці з дэманстрацыяй тэхналагічнага працэсу традыцыйных рамёстваў.
Таксама прайшла дэгустацыя рэгіянальных традыцыйных страў, інтэрактыўныя пляцоўкі з гульнёва-забаўляльнымі праграмамі і майстар-класамі па навучанні побытавым танцам.
Фота: Слонімскі цэнтр культуры, народнай творчасці і рамёстваў
Вынікам удзелу слонімскіх майстроў сталі ўзнагароды. Слонімскі цэнтр культуры, народнай творчасці і рамёстваў заваяваў дыплом III ступені ў намінацыі «Лепшы майстар-клас па традыцыйных рамёствах», а аматарскае аб’яднанне «Чараўніцы-каравайніцы» атрымала дыплом за ўдзел у намінацыі «Лепшы дарослы фальклорны калектыў».
Пра гэта паведаміў цэнтр культуры, народнай творчасці і рамёстваў.
Фота: Слонімскі цэнтр культуры, народнай творчасці і рамёстваў
Фота: Слонімскі цэнтр культуры, народнай творчасці і рамёстваў
Фота: Слонімскі цэнтр культуры, народнай творчасці і рамёстваў
Фота: Слонімскі цэнтр культуры, народнай творчасці і рамёстваў