У межах акцыі “Канікулы — без дыму і агню” прадстаўнікі МНС пагутарылі з хлопчыкамі і дзяўчынкамі па асновах бяспечнай жыццядзейнасці ў аздараўляльным лагеры на базе 10 слонімскай школы, канстатуе рэсурс выратавальнікаў.
Інспектары адпрацавалі алгарытм дзеянняў пры пажары і нагадалі школьнікам, як патрэбна выклікаць выратавальнікаў па нумарах 101 і 112.
Таксама дзеці даведаліся, як правільна паводзіць сябе на вадаёмах, у лесе і на вуліцы.
Замацаваць атрыманыя веды школьнікам дапамаглі конкурсы і віктарыны, якія падрыхтавалі інспектары прапаганды.
Напрыканцы мерапрыемства выратавальнікі раздалі дзецям маляўнічую наглядна-выяўленчую прадукцыю супрацьпажарнай накіраванасці.
Фота МНС