Ровар пасля сутыкнення з легкавіком
Гэтае ДТЗ адбылося ноччу 13 жніўня на 178 кіламетры дарогі М11 граніца Літвы – Ліда – Слонім – Быцень, перадае БЕЛТА са спасылкай на ДАІ УУС Брэсцкага аблвыканкама.
Легкавік «Хундай Сантафе» 34-гадовай жыхаркі Івацэвіцкага раёна наехаў на 35-гадовага раварыста, які рухаўся ў спадарожным накірунку па краі праезджай часткі дарогі.
Раварыст пасля аварыі патрапіў у бальніцу.
Устанавілі, што і кіроўца легкавіка і раварыст былі п’яныя — 2,4 праміле і 1,6 праміле алкаголю ў крыві адпаведна паводле медыцынскага агляду.
Акрамя таго, ровар не быў пазначаны белым ліхтаром сперадзі і чырвоным — ззаду, адзначаецца ў паведамленні.
Фота ДАІ