Ілюстрацыйнае фота
17 жніўня каля 12 гадзін дня на 101 кіламетры аўтадарогі Р 41 на мяжы Гродзенскага і Мастоўскага раёнаў адбылася аварыя ў выніку наезду на бервяно, паведамляе ДАІ.
41-гадовы кіроўца МАЗа з прычэпам перавозіў бярвёны і рухаўся з боку вёскі Харціца ў накірунку Скідзеля, калі ўбачыў у люстэрку задняга бачання, што ў яго з прычэпа вылецела бервяно на праезджую частку дарогі.
У той час у сустрэчным кірунку ехалі легкавікі «Фольксваген» і “Форд”, якія наехалі на раптоўную перашкоду і атрымалі механічныя пашкоджанні.
Цяпер кіроўцу МАЗа за парушэнні пры перавозцы груза пагражае штраф ад 5 да 20 базавых адзінак і пазбаўленне правоў кіравання да двух гадоў альбо без пазбаўлення, адзначаецца ў паведамленні.