На месцы аварыі
На месцы байцы Свіслацкага райаддзела МНС устанавілі, што легкавік “Опел Астра” 2000 года выпуску з’ехаў у кювет і перакуліўся. У салоне машыны апынуліся заціснутымі дэфармаванымі элементамі кузава 47-гадовы кіроўца і трое пасажыраў.
Пасля ДТЗ
Байцы МНС прыступілі да выратавання людзей.
Спачатку абгарадзілі месца аварыі, развярнулі рукаўную лінію для пажарнай бяспекі. Потым выратавальнікі замацавалі перакулены легкавік і з задняга сядзення дасталі 54-гадовую жанчыну і 53-гадовага мужчыну, а затым дэмантавалі заднія пасажырскія дзверы і дасталі 47-гадовага кіроўцу і 35-гадовую пасажырку.
Дапамога пацярпелым
Выратаваных перадалі брыгадзе медыкаў “хуткай дапамогі” для шпіталізацыі. Пасля агляду пацярпелых, медыкі канстатавалі смерць мужчыны-пасажыра. Траіх выратаваных шпіталізавалі ў цэнтральную раённую бальніцу.
Абставіны гэтага ДТЗ высвятляюць у ходзе расследавання супрацоўнікі міжрайаддзела ДАІ Ваўкавыскага РАУС, адзначаецца ў паведамленні.
Фота МНС