"Камаз" з буракамі
20 верасня ў аграгарадку Рэпля Ваўкавыскага раёна адбылося ДТЗ, у якім пацярпела жанчына-пешаход, паведамляе абласная ДАІ.
На месцы аварыі
Папярэдне ўстанавілі, што ў 14.15 па вуліцы Міцкевіча рухаўся грузавы “Камаз” з прычэпам пад кіраваннем 62-гадовага кіроўцы. Грузавік вёз цукровыя буракі на Скідзельскі цукровы камбінат.
Шафёр убачыў жанчыну, якая набліжалася да нерэгуляванага пешаходнага пераходу, але разлічваў “праскочыць”. У той самы час пешаход паскорыла крок.
Пры перасячэнні пераходу 59-гадовая пенсіянерка была траўмавана прычэпам “Камаза”.
У выніку здарэння пешаход з закрытай чэрапна-мазгавой траўмай, сатрасеннем галаўнога мозгу і адкрытым пераломам правай галёнкі шпіталізавана ў траўтаталогію мясцовай бальніцы.
Па факце гэтага ДТЗ праводзіцца праверка.
Фота ДАІ