Вызваляюць пацярпелага
Вечарам 26 верасня выратавальнікам паступіла паведамленне, што ў вёсцы Цянюкоўшчына Іўеўскага раёна нагу мужчыны заціснула ў мотакультыватары, канстатуе МНС.
Вызвалілі
На месцы высветлілася, што нага была заціснута фрэзой. Пацярпелы быў у прытомнасці і адказваў на пытанні.
Байцы МНС з дапамогай аварыйна-выратавальнага інструмента асцярожна расціснулі нажы фрэзы і вызвалілі ногу.
Брыгада хуткай медычнай дапамогі шпіталізавала пацярпелага ў хірургічнае аддзяленне райбальніцы ў стане сярэдняй ступені цяжкасці, адзначаецца ў паведамленні.
Фота МНС