На месцы ДТЗ
5 кастрычніка ў 19.04 у Мастоўску РАУС паступіла паведамленне пра дарожна-транспартнае здарэнне на аўтадарозе “Масты – Вялікая Бераставіца”, канстатуе абласная ДАІ.
«Фольксваген-Транспарцёр»
Папярэдне ўстанавілі, што 63-гадовы кіроўца са Шчучынскага раёна рухаўся на мікрааўтобусе “Фольксвагн – Транспарцёр” па вёсцы Дзенькаўцы ў накірунку Мастоў і каля жылога дома наехаў на ляжачага пасярод праезджай часткі 57-гадовага пешахода з роварам.
Кола ад ровара пасля наезду
У выніку наезду мясцовы жыхар памёр на месцы ДТЗ.
Стан пешахода і іншыя абставіны гэтага смяротнага здарэння будуць выяўлены падчас разбіральніцтва па крымінальнай справе, гаворыцца ў паведамленні.
Фота ДАІ