На месцы здарэння
12 лістапада ў 16.48 выратавальнікам паведамілі, што на Цэнтральнай вуліцы ў Гродне ў калодзеж для дажджавой вады ўпаў 8-гадовы хлопчык, канстатуе МНС.
На месцы выратавальнікі выявілі, што на глыбіні каля двух метраў знаходзіцца пацярпелы хлопчык. Ён быў у прытомнасці і адказваў на пытанні работнікаў МНС.
Той самы калодзеж у Гродне
Высветлілася, што падчас гульні на вуліцы з сябрамі хлопчык не заўважыў у траве адкрыты калодзеж і праваліўся ў яго. Самастойна выбрацца адтуль ён не мог. Дзеці не разгубіліся і папрасілі мінака выклікаць МНС.
Выратавальнікі апусцілі ў калодзеж лесніцу-палку і патлумачылі, як за яе зачапіцца, а потым хутка выцягнулі хлопчыка на паверхню.
Брыгада хуткай медыцынскай дапамогі даставіла пацярпелага ў дзіцячую клінічную бальніцу ў стане сярэдняй ступені цяжкасці, адзначаецца ў паведамленні.
Фота і відэа МНС.