Тут адбыўся наезд
12 лістапада ў 22.30 у аператыўна-дзяжурную службу Лідскага РАУС паступіла паведамленне пра ДТЗ каля вёскі Гуды, канстатуе абласная ДАІ.
На месцы ДТЗ
На месцы супрацоўнікі міліцыі ўстанавілі, што на 39 кіламетры аўтадарогі М-11 “Мяжа Літоўскай Рэспублікі – Ліда – Слонім” адбыўся наезд на 42-гадовага пешахода. Кіроўца, які здзейсніў наезд, з месца здарэння з’ехаў. Пацярпелы з пераломам пляча і ў стане алкагольнага ап’янення шпіталізаваны ў мясцовую бальніцу.
Легкавік пасля наезду
У выніку аператыўна-вышуковых мерапрыемстваў супрацоўнікі ДАІ затрымалі меркаванага ўдзельніка аварыі і яго «Volkswagen». Ім аказаўся 38-гадовы жыхар Лідскага раёна.
Па факце гэтага здарэння праводзяцца неабходныя следчыя дзеянні, адзначаецца ў паведамленні.
Фота ДАІ