Падчас сустрэчы з пакупнікамі
Падчас сустрэчы работнікі райаддзела МНС і іх юныя памагатыя правялі з наведвальнікамі магазінаў навагоднія віктарыны і конкурсы па асновах бяспечнай жыццядзейнасці, якія дапамаглі ўзгадаць у памяці веды па пажарнай бяспецы.
Інспектары прапаганды распавялі слонімцам, як бяспечна ўпрыгожыць навагодняе дрэва, і нагадалі, што перад выкарыстаннем піратэхнічных вырабаў патрэбна падрабязна вывучыць інструкцыю па іх прымяненні і строга яе прытрымлівацца.
Выратавальнікі акцэнтавалі ўвагу дарослых на недапушчальнасці пакідання дзяцей без нагляду і нагадалі, што зімовы вадаём — не месца для дзіцячых гульняў.
Кожны ўдзельнік акцыі не толькі праверыў сваю “пажарную абазнанасць”, але і атрымаў рэкамендацыю ад работнікаў МНС, як бяспечна сустрэць Новы год, адзначаецца ў паведамленні.
Фота МНС