Пажар у Навагрудскім раёне
За апошнія суткі ў Гродзенскай вобласці здарыліся два пажары, паведамляе МНС.
Раніцай 15 студзеня ў вёсцы Ладзенікі Навагрудскага раёна гарэла гаспадарчая пабудова на прыватным падворку. Падраздзяленні МНС хутка прыбылі на месца і ў лічаныя мінуты ліквідавалі пажар. Агнём пашкоджаны перакрыцці і дах.
Наступствы пажару
Як мяркуецца, прычынай пажару там стала неасцярожнае абыходжанне з агнём.
Пажар у Скідзелі
Вечарам 15 студзеня дыспечару службы “101” Гродзенскага раёна паступіла паведамленне пра пажар прыватнай гаспадарчай пабудовы на вуліцы Гагарына ў Скідзелі. Выратавальнікі аператыўна ліквідавалі ўзгаранне. Агонь паспеў знішчыць дах, пашкодзіў перакрыцці і маёмасць.
Тушаць
Верагодная прычына пажару ў гэтым выпадку — неасцярожнасць пры паленні, адзначаецца ў паведамленні.
Фота МНС