Павел Севасцьян у судзе 20 студзеня
20 студзеня ў судзе Слонімскага раёна разглядалася адміністрацыйная справа слонімца Паўла Севасцьяна за захоўванне ў сацсетцы Фэйсбук матэрыялаў, які ў Беларусі прызнаны экстрэмісцкімі — ч.2 арт. 19.11 КоАП.
Суд прызнаў Севасцьяна вінаватым і пакараў 10 суткамі адміністрацыйнага арышту.
Нагадаем, што супрацоўнікі міліцыі затрымалі Паўла Севасцьяна каля яго дома на вуліцы Яршова ў Слоніме 11 студзеня. Наступныя суткі слонімец правёў у ізалятары часовага ўтрымання, а пасля суддзя задаволіў яго хадайніцтва пра пошук адваката да 20 студзеня.
З улікам ужо адбытага за кратамі, Паўлу Севасцьяну застаецца яшчэ 9 сутак арышту.