24 студзеня 30-гадовы жыхар Карэліцкага раёна шукаў на інтэрнэт-пляцоўцы квіткі на камедыйны спектакль, паведамляе УУС Гродзенскага аблвыканкама.
На пляцоўцы мужчына знайшоў некалькі квіткоў па прымальным кошце, скантактаваўся з гандляром і перавёў яму 260 беларускіх рублёў. Аднак абяцаныя квіткі пакупніку так і не прыйшлі.
Пасля гэтага пацярпелы звярнуўся па дапамогу ў міліцыю.
Асоба махляра выяўляецца. Па гэтым факце Карэліцкі райаддзел Следчага камітэта ўзбудзіў крымінальную справу па артыкуле “Махлярства”, адзначаецца ў паведамленні.
Фота УУС