Хабар
Аператыўнікі Ленінскага РАУС Гродна затрымалі 61-гадовага начальніка адной з дыягнастычных станцый недзяржаўнай формы ўласнасці, датычнага да атрымання хабару, паведамляе УУС Гродзенскага аблвыканкама.
Мужчына выдаваў аўтаўладальнікам дакументы, якія дазвалялі затым аформіць допуск да ўдзелу ў дарожным руху няспраўным транспартным сродкам. Каштавала гэта 30 рублёў.
Зарэгістравана некалькі фактаў супрацьпраўнай дзейнасці кіраўніка, у дачыненні да якога праводзяцца далейшыя аператыўныя мерапрыемствы, адзначаецца ў паведамленні.
Следчыя ўзбудзілі супраць мужчыны крымінальныя справы за атрыманне хабару.
Фота УУС