Ілюстрацыйнае фота
За мінулыя суткі ў Гродзенскай вобласці здарыліся тры пажары, паведамляе МНС.
Раніцай 21 лютага ў вёсцы Нязбодзічы Свіслацкага раёна гарэла жылая хата. У выніку пажару пашкоджана абрашотка дымахода.
Гэтай жа раніцай у Гродне на вуліцы Напалеона Орды гарэла кватэра. Агнём пашкоджана нацяжная столь і маёмасць у вітальні, задымлены сцены і столь.
Вечарам 21 лютага гарэла жылая хата ў вёсцы Каматова Гродзенскага раёна. Там агнём пашкоджаны дах, сцены і маёмасць у кацельні.
Прычыны пажараў высвятляюцца.