Падчас злёту юных выратавальнікаў у СШ №10
Палявы злёт юных выратавальнікаў-пажарных адбыўся на стадыёне СШ №10 у Слоніме, паведамляе МНС
Мэтай мерапрыемства было спаборніцтва паміж камандамі і навучанне дзеянням у выпадку ўзнікнення надзвычайных сітуацый.
Спачатку ўдзельнікі пазнаёміліся са спецыфікай працы падраздзяленняў МНС і тэхнічнымі магчымасцямі аварыйна-выратавальнай тэхнікі і абсталявання.
Затым адбыліся спаборніцтвы паміж камандамі, у складзе якіх былі хлопцы і дзяўчаты.
Юныя выратавальнікі прадэманстравалі свае навыкі ў баявым разгортванні, надзяванні баявога адзення, аказанні першай дапамогі, ліквідацыі надзвычайных сітуацый, эстафеце і перацягванні пажарнага рукава.
Перамагла ў гэтых спаборніцтвах дружба, адзначаецца ў паведамленні.
Удзельнікі мерапрыемства
Фота МНС