Вечарам у аўторак на праспекце Янкі Купалы ў Гродне супрацоўнікі ДАІ затрымалі кіроўцу легкавіка ВMW з відавочнымі прыкметамі алкагольнага ап’янення, паведамляе рэсурс абласной ДАІ.
Медыцынскі агляд паказаў 2,7 прамілі алкаголю ў яго арганізме. Пры гэтым у пратаколе апытання 51-гадовы мужчына патлумачыў, што спіртныя напоі ўжываў больш за два тыдні назад, калі выпіў 1 літр піва.
Ад кіравання мужчына быў адхілены. Яго легкавік даставілі на штрафстаянку. Цяпер гродзенцу пагражае штраф у памеры 7400 рублёў і пазбаўленне правоў кіроўцы на бліжэйшыя 5 год, адзначаецца ў паведамленні.
Калаж ДАІ