Аварыя ў Астравецкім раёне
Каля 7 гадзін раніцы 4 чэрвеня ў Астравецкім раёне на аўтадарозе “Астравец – Тракелі – Солы” сутыкнуліся аўтамабілі “Iveco” і “Audi”, паведамляе абласная ДАІ.
54-гадовы кіроўца грузавіка рухаўся ў накірунку вёскі Ізабеліна і для развароту з’ехаў на правую па ходу руху збочыну, але не пераканаўся ў бяспецы манеўру, у выніку чаго легкавік “Audi”, які рухаўся ззаду, стукнуўся ў левую пярэднюю частку “Iveco”.
Пасля ДТЗ абодва кіроўцы былі дастаўлены ў бальніцу для аказання медыцынскай дапамогі.
Па факце гэтай аварыі прызначана праверка, адзначаецца ў паведамленні.
Фота ДАІ