Гарэла кватэра ў Ваўкавыску
Днём 20 жніўня ў вёсцы Апаліна-Басіна Дзятлаўскага раёна гарэла гаспадарчая пабудова. Агнём пашкоджаны дзверы.
Пасля пажару
У гэты ж дзень у 13.17 выратавальнікам паступіла паведамленне пра пажар у кватэры на вуліцы Барычэўскага ў Ваўкавыску. У агні загінуў гаспадар кватэры. Байцы МНС выратавалі жонку гаспадара і ўнучку, якая была ў гасцях. З ніжэйшых кватэр эвакуіравалі 15 чалавек, у тым ліку 5 дзяцей. Выратаваныя бабуля з унучкай пасля агляду брыгадай хуткай дапамогі былі шпіталізаваны ў рэанімацыйнае аддзяленне бальніцы. Агнём пашкоджана маёмасць у карыдоры, закурадымлены сцены і столь.
Ноччу 21 жніўня адбылося ўзгаранне на збожжасушыльным комплексе ў гарадскім пасёлку Мір Карэліцкага раёна. Агнём знішчана 38 тон аўса, пашкоджаны сушыльны бункер. Работнікі МНС разам з персаналам комплексу выратавалі ад агню 12 тон аўса.
Прычыны пажараў высвятляюцца.
Фота і відэа МНС