Пажары на Гродзеншчыне: гарэлі гаспадарчыя пабудовы, дамы і кватэра

Раніцай 8 кстрычніка гарэла гаспадарчая пабудова ў вёсцы Грыбаўшчына Ашмянскага раёна, а ўдзень — дзве гаспадарчыя пабудовы ў вёсцы Амнявічы Карэліцкага раёна. Падчас пажараў адна пабудова цалкам знішчана агнём, а дзве моцна паярпелі ад пажару.

Таксама днём 8 кастрычніка на вуліцы Паўднёвы гарадок у Лідзе гарэла кватэра. Там агнём знішчаны аконны праём і балконны блок, закурадымлены сцены, столь і маёмасць у кватэры.

Вечарам 8 кастрычніка выратавальнікам паступіла паведамленне пра пажар у жылым доме на вуліцы Карла Маркса ў Іўі. У выніку пажару агнём пашкоджаны дах, перакрыцці, закурадымлены сцены і маёмасць у доме.

Ноччу 9 кастрычніка ў вёсцы Савашы Карэліцкага раёна гарэў дачны дом. Агонь знішчыў дах, маёмасць на кухні, пашкодзіў перакрыцці, таксама былі закурадымлены сцены і столь у суседніх пакоях.

У Карэліцкую раённую бальніцу была шпіталізавана гаспадыня дома 1958 года нараджэння.

Прычыны пажараў высвятляюцца.