Пасля наезду ў Краснасельскім
Два дарожна-транспартныя здарэнні з наездам на пешаходаў адбыліся ў Ваўкавыскім раёне 9 кастрычніка, паведамляе рэсурс абласной ДАІ
У 17. 54 на вуліцы Будаўнікоў у гарадскім пасёлку Краснасельскі 44-гадовая кіроўца легкавіка «Рэно» ехала ў накірунку Лясной вуліцы і на нерэгуляваным пешаходным пераходзе наехала на жанчыну, якая пераходзіла дарогу злева направа па ходу руху легкавіка.
У выніку гэтага ДТЗ 64-гадовая пешаход шпіталізавана ў траўталагічнае аддзяленне мясцовай бальніцы.
У 20. 13 на Паркавай вуліцы ў Ваўкавыску кіроўца «Аўдзі» 1950 года нараджэння на нерэгуляваным пешаходным пераходзе наехаў на мужчыну 1976 года нараджэння. І кіроўца і пешаход — мясцовыя жыхары.
У выніку наезду пешаход з закрытым пераломам правай нагі і пашкоджаннямі жывата шпіталізаваны ў бальніцу.
Фота ДАІ