Ілюстрацыйнае фота
68-гадовыя жыхарка Слоніма шукала ў інтэрнэце дадатковыя крыніцы заробку і патрапіла на кампанію, якая займаецца інвестыцыямі. Пенсіянерцы распавялі, якія грошы яна можа зарабіць з мінімальнымі ўкладаннямі.
Жанчына пагадзілася. Першы раз у яе нават атрымалася вывесці 25 беларускіх рублёў. Калі ж на ліпавым рахунку была сума каля 28 000 даляраў ЗША, з абнаяўленнем узніклі праблемы.
Пенсіянерцы выставілі камісію за вывад сродкаў і папрасілі завесці крыптакашалёк. Потым пераканалі жанчыну аплаціць дастаўку грошай праз кур’ера. На ўсё гэта сланімчанка патраціла больш за 11 000 даляраў ЗША. Грошы пенсіянерка пазычала ў сябровак і аформіла два крэдыты.
Калі працэс вываду грошай не зрушыўся з мёртвай кропкі, жанчына вырашыла наняць адваката з Эстоніі, які абяцаў вырашыць праблему і пераканаў яе перавесці яшчэ 1 500 еўра, а праз некаторы час — 3000. Менавіта ў той момант жанчына зразумела, што яе падманваюць і звярнулася па дапамогу ў Слонімскі РАУС.
Міліцыя ў чарговы раз нагадвае грамадзянам, што не трэба давяраць невядомым платформам, якія абяцаюць вялікія заробкі ў інтэрнэце.